BUTUAN CITY – Migawas sa partial results sa National Electoral Council nga midaug na usab si President Nicolás Maduro sa presidential election sa Venezuela samtang 80-porsiento na sa mga boto ang nahagpat.
Sigon sa hepe sa maong electoral council nga si Elvis Amoroso, kinsa suod nga ka-alyado ni Maduro, nakuha na ni President Maduro ang 51.20% sa mga boto kumpara sa 44.02% sa iyang main rival.
Gi-alega karon sa Venezuelan opposition ang lapad nga pagpanglimbong sa hagpatay sa mga boto ug misaad nga kwestyunon ang resulta.
Nakighi-sa kini kang Edmundo González aron lang matangtang na sa katungdanan si Maduro kinsa 11 ka tuig nang anaa sa gahom. Sa iyang pagpamulong atubangan sa nanghugyaw niyang mga supporters sa Caracas, gipadayag ni Maduro nga ang iyang subling pagkapili, kada-ugan sa kalinaw ug kalig-on dayong dayeg sa ilag election system, tungod matud pa sa ka-transparent niini ug gisaway ang oposisyon tungod sa kanunay matud pa og singgit nila’g limbong kada-eleksyon.
