BUTUAN CITY- Manawagan si President Ferdinand Marcos Jr. og kalinaw sa Middle East sa pagbisita niini sa United Nations karung umalabot nga Marso 9 ug 10, 2026.
Sumala ni Department of Foreign Affairs kon DFA Spokesperson ASec. Angelica Escalona, nga ang pagtambong sa Presidente sa United Nations usa ka importante nga higayon aron nga managawan og restraints sa mga nasud nga nalambigit sa kagubot ingon man ang kaluwasan sa mga civilian ug mga katawhang Pilipino nga anaa sa rehiyon.
Sigon pa ni Escalona, nga ang United Nations ang husto nga lugar aron nga ipadayag ni President Marcos Jr. ang iyang panawagan.
Gikatakda usab nga makigkita si Pangulong Marcos kang UN Secretary General Antonio Gutierrez, aron nga hisgutan ang kasamtangang sitwasyon sa Middle East ug ipadayag pag-usab ang commitment sa Pilipinas sa United Nations ug Multilateralism.
Target usab ni President Bongbong Marcos nga makakuha og dugang nga suporta alang sa pagdagan sa Pilipinas sa Non-Permanent Seat United Nations Security Council alang sa tuig 2027 ug 2028.
Gipasi-ugda usab ni Escalona nga importante usab nga adunay pwesto ang Pilipinas sa UN Security Council aron nga mas mahatagan pa og kusog nga tingog ang nasud sa mag hisgutanang adunay kalabotan sa Global Safety and Security ingon man sa International Economy ug kaluwasan sa mga Overseas Filipino Workers.
