BUTUAN CITY- Gisiguro ni President Ferdinand Marcos Jr. nga maayo ang supply sa pagkaon sa nasud ug kontrolado ang presyo niini sa mg merkado.
Sumala ni President Marcos, aktibo nga nakigtambayayong ang mga ahensya sa gobyerno sa mga partner nga food supplier aron nga masiguro ang supply sa inadlaw-adlaw nga panginahanglanon sa katawhan.
Matud pa niini, nga ang kasamtangang status sa pagkaon anaa s a10% sa kinatibuk-ang supply ug dili lang matud pa usa ka pasilidad ang gibista niini kagahapong adlawa kundi ingon man sa ubang food processor ug retailers maayo ang imbentaryo.
Gibutyag usab ni Marcos nga mingsugot ang mga private companies nga i-mintinar usa ang kasamtangang presyo sa ilang mga produkto. Tungod niini, gilaoman sa Presidente nga sulod sa usa o duha ka buwan dili usa ma-utro ang presyo sa pagkaon hangtud padayon nga ginamonitor sa gobyerno ang supply niini ug presyo.
Gipasi-ugda usab sa Presidente nga dili kinahanglang mabalaka ang publiko tungod igo ang pagkaon ug gipasiguro sa panggamhanan nga ma-atiman ang pang-adlaw-adlaw nga panginahanglanon sa katawhang Pilipino.
Gidayeg usab sa Presidente ang mga Private Companies alang sa ilang cooperation sa pagmintinar sa presyo kansa nakatabang matud pa aron dili maglisod ang mga Pilipino. Sigon pa ni President Marcos, nga padayong gibantayan sa gobyerno ang supply ug presyo sa pagkaon.
