BUTUAN CITY – Full operational na ang Philippine Red Cross Molecular Laboratory sa may Km. 9, Purok 6, Brgy. Bonifacio Surigao City nga kayang maka-accommodate og 2-mil ka mga swab tests kada-adlaw ug sulod lang usab sa usa ka adlaw mapagawas nila ang resulta.
Sigon ni Surigao del Norte provincial administrator, tungod sa kadaghan sa specimen nga kaya niyang masusi, mamahimo niining ma-akomodar ang tibuok Caraga Region ug mas dali pa ang resulta kay mugawas kini sulod lang sa 24-oras.
Aminado ang opisyal nga duna na’y mga pribadong laboratoryo sa ilang siyudad ang naghanyag og swab test nga mahal ang presyo ug gila-umang pinaagi sa PRC Molecular Laboratory, matabangan na nga makaminos sa ilang galastuhan ilabina ang mga local tourists nga gustong mu-adto sa Siargao Islands.
