BUTUAN CITY – Paspas nga gi-aprubahan sa pagdungog sa Senate Sub-Finance Committe kaganina ang proposed 2026 budget sa Office of the Vice President kon OVP kondiin personal nga mitambong si Vice President Sara Duterte aron depensahan ang gihangyong pundo sa iyang buhatan nga 102-milyunes pisos.
Mas taas kini og uno-porsiento kung ikumpara sa budget nila ning tuiga nga 477-milyunes pisos sa General Appropriations Act ko GAA.
Sa maong pagdungog, gisuportahan gilayon ni Committee chairman Sherwin Gatchalian ang maong pundo ug gidapigan ang mga programang gihikyad ni VP Sara sama sa Pagbabago campaign project kondiin manghatag ang OVP og mga school supplies ingon man feeding program alang sa mga batang malnourished ingon man pagpanghatag og bugas ngadto sa mga kabus nga Pilipino.
Mi-apela usab si Senador Juan Miguel Zubiri nga aprubahan gilayon ang maong proposed budget human naghatag og manifestation ang ma senador, subay sa nagtunhay nga parliamentary courtesy kansa gidapigan sa mga senador nga mitammbong sa pagdungog.
Apan tungod sa kagamay sa pundo sa OVP, gisugyot ni Senador Bong Go nga kung ma tugutan, igahin ang parte sa iyang pundo ngadto sa buhatan ni VP Sara aron kini madugangan tungod sa kagamay ra sa gidugang niini taliwa nga daghang mga tawo ang kinahanglang tabangan.
Samtang human na-aprubahan ang iyang proposed budget, mi-atubang gilayon sa mga tigbalita si VP Sara ug mibarog nga dili na stable ang gobyerno sa nasud.
Kini tungod kay klarong gi-abusuhan ang mga institusyon ug wala nay maayong nahitabo karon sa nasud ilabina nga dugay na siyang nagpahimangno nga ihunong na ang pamulitika ug dili unahon ang kaugalingong interest.
