BUTUAN CITY – Gipasabot ni PCOL Jovito Canlapan ang provincial director sa Police Provincial Office sa Agusan del Sur nga padayon pa ang imbestigasyon sa mga kapulisan sa Agusan del Sur mahitungod sa padayon ug sunodsunod nga insidente sa krimen sa ilang probinsya.
Alayon niini, nanawagan usab ang maong opisyal ngadto sa mga opisyales ingon man lumolupyo sa kasikbit nga probinsya nga makigkoordinar sa ilahang buhatan ugaling dunay na wala nga babaye nga ilang nahibaloan, kini mahitungod na sa patayng lawas nga napalgan sa Sibagat, Agusan del Sur diin nakaplagang nag buy-od nalang sa kanal kilid sa national highway sa Barangay El Rio.
Sumala pa sa opisyal nga ila pang gihulat ang pinal nga resulta sa otopsiya sa wala pa nailhi nga patayng lawas sanglit wala may nakita nga igo sa bala o kaha duga sa lalaki niini hinungdan nga dako ang posibilidad nga dile pagpamusil o kaha pagpanglugos ang hinungdan sa kamatayon sa maong babaye. Alayon niini, nagpagawas na usab ug marching order ang maong buhatan ngadto sa mga kapulisan niini alang sa pagpakunhod sa mga hooting incedents nga nagapanghitabo sa maong lugar. Dugang pa, nakasuhan na usab ang mga suspetyado sa mga nagsunodsunod nga insidenteng pagpamusil sa maong probinysa, ingon man gipaniguro usab sa maong opisyal nga walay angay ikabalaka ang mga katawhan ilabi na sa syudad sa bayugan sanglit isolated man ang mga nangaging kaso sa pagpamusil sa ilahang dakbayan.
