BUTUAN CITY – Giklaro sa National Economic and Development Authority (NEDA) nga dili matud pa sumbanan sa kung pila lang ang gastuhon sa tanang mga Pilipino alang sa ilang pagkaon ug uban pa niining panginahanglanon ang bag-ohay lang gipagawas sa Philippine Statistics Authority nga poverty ug food thresholds, kansa ning-ani og kritisismo sa mga katawhang Pilipino tungod matud pa sa ka unrealistic niini.
Sumala ni NEDA Secretary Arsenio M. Balisacan nga ang maong threshold kay parte lamang sa pag asses nila sa kinatibuk-ang paglambo sa ekonomiya sa nasod.
Pagklaro sa opisyal nga dili nila tumong nga ipasunod sa mga Pilipino ang nasangpit nga threshold alang sa household budget, wala usab nila kini gipublisar isip prescribed budget sa mga pamilya.
Sigon ni Balisacan nga key metrics lamang sa NEDA ang nasangpit nga mga threshold ug uban pang economic indicators aron ma asses nila ang economic growth sa nasod, ug arun usab ma-evaluate ang ka-epektibo sa mga polisiya nga gimugna sa gobyerno.
Nagsumiokad ang maong isyu sa gipagawas sa Philippine Statistic Authority nga mga threshold, kansa nag yagyag sa average needs sa mga pamilyang Pilipino.
