BUTUAN CITY – Gikataw-an sa mga labor groups ang gipagawas nga datus sa National Economic and Development Authority kon NEDA kalabot sa food poor threshhold kondiin dili makonsiderang kabus sa pagkaon kung ang usa ka indibidwal, makagasto og 21-pisos sa iyang kada-kaon kon 64-pisos kada-adlaw.
Sa eksklusibong pakighinabi ning sibyahan, gikwestyon ni Nagkaisa Labor Coalition chairman Sonny Matula kung asa gikuha ni NEDA Secretary Arsenio Balisacan ang maong datus.
Ilang nakita nga wala kini koneksyon sa tinuod nga kinabuhi sa mga tawo. Tungod niini, gihangyo nilang mga labor leaders ang NEDA nga tun-an pag-usab ang ilang mga datus ilabina nga mismong si Balisacan ang nagbulabog sa Senate hearing nga usa ka dekada na diay ang gibasehan sa ilang datus.
Dugang ni Atty. Sonny Matula, delikado ang nasangpit nga datos tungod kay mao matud pa kini ang basehan sa pagpasaka sa suholan sa mga mamumuo sa Pilipinas.
Kung basehan matud pa ang datus nga nakuha sa Pinggang Pinoy survey sa Ateneo University sa Manila, ang ideal threshhold kon sukdanan aron dili makonsiderang kabus sa pagkaon ang usa ka pamilyang duna’y lima ka mga membro, kinahanglan ang 600-pisos nga budget sa pagkaon kon bugti sa 120-pisos matag-usa.
Kini matud pa ang rason nga kinahanglan nang usbawan ang suhulan sa mga mamumuo sa ingon makabaton og 1,200-pisos nga living wage ang matag-pamilya sa ingon makapalit og igo ug sustansyadong pagkaon kada-adlaw.
Ang pamahayag ni Atty. Sonny Matula, chairman sa Nagkaisa Labor Coalition.
