BUTUAN CITY – Nakatala ang Caraga Region og 11% nga pagkunhod sa poverty incidence niadtong 2023 kumpara sa 2022 kansa mao ang pinakadako sa 18 ka mga rehiyon sa nasud. Gipahibalo kini atol sa 2023 Full Year Official Poverty Statistics Regional Dissemination Forum kagahapong adlawa nga gipahigayon dinhi Butuan City.
Sumala ni Dinagat Islands Provincial Governor ug Chairperson sa Caraga Regional Development Plan Council, Nilo Demerey Jr., ang pagkunhod sa ihap sa mga kabus sa rehiyon, dili lang matud pa istatistika kondili nagpasabot usab sa pagmaayo sa kinabuhi sa mga pamilya.
Nag-highlight ang maong forum sa 2023 Family Income and Expenditures Survey Results ug sa mahinungdanong mga lakang nga nahimo niini. Gisaad usab sa Caraga Regional Development Council ang ilang commitment sa pagmugna og mga epesyenting inisyatiba alang sa kalambuan pa sa mga Caraganons.
