BUTUAN CITY – Natapos ang tennis career ni British tennis star Andy Murray human napakyas sa men’s doubles sa Paris Olympics.
Nasayrang human nag-withdraw sa singles match, nagdesisyon ang 37-anyos nga magdula sa doubles aron irepresenta ang iyang nasud ka-uban si Dan Evans apan gipildi sila nila Taylor Fritz ug Tommy Paul sa Amerika sa score na 6-2, 6-4 sa quarterfinals rounds.
Human sa dula, duna’y standing ovation sa Court Suzanne-Lenglen isip pag-ila kang Murray.
Madumdumang midaog og gold medal sa Murray niadtong 2012 ug 2016 Olympics samtang silver medal sa mixed doubles niadtong 2012. Tuig 2012 dihang giparot niya si Roger Federer sa Olympic finals ug paglabay sa usa ka tuig, mikampyon siya sa US Open.
Nagdesisyon si Murray nga muretiro na human sa Olympics tungod sa mga injuries nga iyang na-angkon kondiin niadtong 2019 nagpa-opera kini sa iyang hawak.
