BUTUAN CITY – Welcome alang sa International Criminal Court (ICC) ugaling maka desisyon matud pa ang Pilipinas nga mobalik kini sa sabakan sa international tribunal.
Kini ang gikataho ni ICC spokesperson Dr. Fadi El Abdallah, diin sumala niini nga andam matud pang dawaton sa ICC ang tanang nasod nga gustong moanib sa nasangpit nga korte, tungod kay nagpasabot lamang matud pa kini nga daghang mga nasod na ang gustong mopailawom sa nahisgutan nga tribunal.
Sumala sa maong opisyal nga dagahn matud pang mga kaso sa impunity sa tibook kalibutan, o mga kaso sa paghimo og krimen nga wala mahatagi og pagtagad ug kasulbaran sa usa ka nasod, apan mamahimo lamang matud pa kini maresolbar nga isyu ugaling makigtinabangay ang nasod sa international tribunal sama sa gihimo sa Pilipinas.
Pagbutyag pa ni Dr. Abdallah nga wala matud pa siyay access sa mga behind the scenes nga mga diskusyon, rason nga wala matud pa kini masayod ug wala usab siyay nadawat nga impormasyon kung nagpahiwatig na ba ang Pilipinas sa kagustuhan niining mobalik sa ICC.
Kahinumduman nga Nobyembre pa niadtung nakalabayng tuig dihang gibulgar ni Presidente Marcos nga gitun-an na sa pangamhanan sa Pilipinas kung mo balik na ba kini sa ICC.
Una nang gipasaka sa Kamara de Representates ang resolusyon kansa nag-aghat kang Presidente Marcs Jr. nga mobalik na ang Pilipinas sa ICC, kini human ning biya ang nasod sa maong tribunal tunga-tunga sa termino ni kanhi Presidente Rodrigo Roa Duterte kansa atua karon nakakulong sa the Netherlands.
