BUTUAN CITY – Hilabihan ka malinawon og kamalipayon ang pagsugat sa bag-ong tuig sa Russia. Kini ang paghulagway ni Bombo International news Correspondent Juan Paolo Prado sa eksklusibong pakighinabi ning sibyahan.
Sumala ni Prado, usa sa dakong selebrasyon sa mga Russians ang pagsugat sa bag-ong tuig bisan paman nga hugot nilang gikontrola ang pabuto tungod kay posibleng mag-trigger kini sa mga drones. Hilabihan usab kataas ang security sa Russia diin makita ang presensiya sa mga pulis og gikontrola ang imigration rasong malinawon kaayu kini og ubos ang rata sa kremin.
Lakip usab sa tradisyon sa bag-ong tuig ang pag-andam sa mga babaye sa makaon samtang ang mga lalaki mag-relax lang og magtan-aw sa karaang Soviet og Russian nga salida. Sa pagtongtong sa bag-ong tuig usab gi-atangan sa tanang mga Russian ang tinuig nga pamahayag ni President Vladimir Putin.
Dinhe usab makita ang kataas sa popularity rating ni President Putin nga sobra sa 95 prosiento. Ang paghigugma sa katawhan ngadto kang Putin tungod sa namintina sa presidente ang maayung pamuyo sa mga Russian, diin ubos ang pamaliton, bisan paman sa daghang mga sanctions nga gipahamtang ang ubang mga nasud. Kini pinaagi sa pag-produce og lokal nga produkto rasong dili na magsalig sa ubang kanasuran.
