BUTUAN CITY – Gibunyagan ni Pope Leo (14) XIV ang 20 ka mga bata nga anak sa mga empleyado sa Vatican atol sa Misa sa Feast of the Baptism of the Lord nga gipahigayon sa Sistine Chapel, nga nagpadayon sa usa ka 45 ka tuig nga tradisyon sa Vatican.
Sa iyang homiliya, iyang gipatigbabaw ang pagpaubos ug pagkaduol ni Kristo sa katawhan, ug giingon nga ang bunyag mao ang bag-ong timaan sa pasaylo ug pakig-uban diin ang kinabuhi makakaplag sa kaluwasan diha sa Diyos.
Gipahinumdom usab niya ang mga ginikanan nga samtang ang pagkaon ug panapton mao ang kinahanglanon, ang pagtuo mas labaw pa – usa ka gasa nga naghatag og kahulugan sa kinabuhi.
Gidani ni Pope Leo ang mga pamilya nga magpadayon uban sa kalipay ug pagsalig, ug gisaad nga ang Ginoo kanunay nga uban sa ilang mga lakang.
