BUTUAN CITY – Nagpahimangno si Pope Francis batuk niadtong migamit sa rehiliyon aron sugnuran ang kagubot, atol sa katapusang adlaw sa iyang pagbisita sa Indonesia, kansa mao ang first stop sa iyang tour sa mga nasud sa Asia Pacific region. Didto sa Istiqlal mosque sa capital Jakarta, mipirma ang Santo Papaog usa ka deklarasyon kalabot sa religious harmony ug environmental protection uban sa grand imam sa moske ug nakigkita usab siya sa mga local leaders sa unom ka mga relihiyon.
Gisugdan sa 87-anyos nga Santo Papa ang iyang 11 ka adlaw nga pagbisita niadtong Martes kansa mao ang iyang pinakadugay nga foreign trip sulod sa iyang papacy. Human nagsa-ulog og misa atubangan sa gibana-banang 80,000 ka mga tawo sa main football stadium sa Indonesia, mu-adto na usab siya sa Papua New Guinea, Timor Leste ug Singapore.
Sa iyang pagpamulong sa mosque – kansa mao ang pinakadako sa Southeast Asia – gipadayag niini nga ang mga tawo sa managlahing relihiyon kinahanglang masayod nga kitang tanan managsoon, tanan mga pilgrims, padulong ngadto sa usa lang ka Ginoo. Nag-atubang matud pa karon og grabeng tawhanong krisis ang kalibutan tungod sa giyera, kagubot ug kadaut sa palibot.
Nagbarog gilayon sila ni grand imam Nasaruddin Umar sa entrada sa gitawag nga “tunnel of friendship”, kansa dakong senyales nga bisan pa man sa managlahing tinu-uhan sa mga tawo, kinahanglan natong magpa-ambit og gamot. Nasayrang ang Indonesia duna’y unom ka mga relihiyong girekognisa nga gilangkuban sa Islam, Protestantism, Catholicism, Buddhism, Hinduism, ug Confucianism.
