BUTUAN CITY – Patay na pasado alas-7:35 sa buntag, oras sa Rome, Italy (ala-1:35 sa hapon, oras sa Pilipinas) sa edad nga 88-anyos si Pope Francis human sa taas nga panahong pagkigbatok sa iyang sakit nga pneumonia.
Si Francis nga natawo isip Jorge Mario Bergoglio sa Buenos Aires niadtong 1936, mao ang unang non-European ug unang Latin American nga Santo Papa.
Nailhan siya sa iyang liberal nga panan-aw sa pipila ka isyu apan nagpabilin nga batok sa aborsyon. Sa wala pa mahimong Santo Papa niadtong 2013, nagsilbi siyang Arsobispo sa Buenos Aires ug gitawag nga “Slum Bishop.”
Ang iyang pagdumala sa Vatican nailhan sa reporma, pakig-uban sa masa, ug kontrobersiya, lakip na ang iyang papel atol sa militar nga diktadura sa Argentina.
Ang iyang kamatayon nagtapos sa usa ka makasaysayanon ug usahay kontrobersyal nga papacy.
Ilubong siya sa Santa Maria Maggiore sa Roma, ug usa ka bag-ong Santo Papa ang pilion human sa 15 ka adlaw nga kasubo.
