BUTUAN CITY – Nangayo og pag-ampo si Pope Francis sa mga magtutuong katoliko alang sa kaayuhan niini human siya na-diagnose og double pneumonia. Nasayrang wala makatambong sa ikaduhang higayon ang pontiff sa traditional nga Angelus prayer kagahapong adlawa tungod sa gihambin niining balatian.
Apan sigon sa mensahe niini gikan sa balay-tambalanan, kumpyansa siya sa pagpadayon sa iyang pagpa-alim sa Gemelli Hospital sa Roma. Ang maong mensahe sa Santo Papa gipagawas human gibutyag sa Vatican nga anaa sa kritikal nga kondisyon ang iyang panglawas. Gipasalamatan ni Pope Francis ang iyang mga doktor ug ang tanang nangandoy sa iyang kaayuhan.
Madumdumang na-admit sa balay-tambalanan ang Santo Papa niadtung Pebrero 14 human kini naglisod sa pagginhawa.
