BUTUAN CITY – Nakasinati ang Santo Papa og duha ka hugna nga acute respiratory insufficiency rasong gihimo ang duha ka bronchoscopies. Apan bisan paman niini, nagpabiling alerto, oriented og mo-kooperar sa tanang higayon si Pope Francis.
Una nang gibutyag nga dili na kinahanglang mogamit og mechanical ventilation para makaginhawa ang santo papa sumala sa taho sa Vatican. Kini ang kahimtang sa santo papa nga kapin duha ka semana nang anaa sa hospital ug naki-away sa double pneumonia. Na-admit si Pope Francis niadtong Pebrero 14, nga dunay seryosong respiratory infection nga nag-trigger sa uban pang mga komplikasyon.
Bisan og gibutyag sa Vatican nga dili na kinahanglang mogamit ni Pope Francis og “non-invasive mechanical ventilation” padayon usab nga midawat ang santo papa og oxygen pinaagi sa gagmay nga hose sa iyang ilong.
