BUTUAN CITY – Nagpagawas na sa iyahang pinaka unang mensahe si Pope Francis, bandang alas 9 ang takna sa gabie, oras sa Roma karong adlawa.
Subay sa maong mensahe, kansa gisulti sa pinulungang Espanyol, nagpasalamat ang Santo Papa sa tanang mga nag-ampo kaniya ug sa tanang mga nangamuyo alang sa iyahang kaayohan.
Kini na ang pinaka unang mensahe sa Santo Papa pinaagi sa audio message, ug pinaka una usab nga higayong nadungog sa kalibutan ang tingog niini sukad nga naadmit kini sa Gemelli Hospital sa Rome niadtung Pebrero 14 tungod sa sakit sa baga.
Sayrang libuan ka mga magtutoo ang kanunay naga bisita sa St Peter’s Square matag gabie alang sa mga pag-ampo para sa kaayohan sa Santo Papa.
Subay niini, tumang kalipay ang gibati sa mga pilgrims dihang ilang nadungog ang tingog ni Pope Francis sa pinaka unang higayon sulod sa halos usa kabulan. Kahibaloan nga gisibya ang tingog sa Santo Papa sa tibook St. Peter Square.
