BUTUAN CITY – Diryot wala makahuman sa iyahang pagka-Pari kaniadtu si Pope Francis, human kini na-ibog pag-ayo sa usa ka babaye nga nakit-an niini sa kasal sa iyahang uyoan.
Kini ang gikabutyag sa ning taliwan na nga Santo Papa sa libro niining gipublisar niadtung nakalabayng tuig kansa nag-ulohang “Life: My Story Through History”.
Sumala sa kanhi Santo Papa sa maong libro nga pirte matud pa ka-anyag ug kamaalamon sa maong babaye nga nahimo pa kining hinungdan sa batang si Jorge Bergoglio ‘to turn his head’.
Subay niini nga dili matud pa siya maka-tunhay pag-ampo sa mosunod nga semana sulod sa Semenaryo human nga magbalik-balik sa huna-huna niini ang nasangpit nga babaye.
Apan saysay sa Papa nga maayo nalang gani kay nilabay ra ang maong pagsulay.
“I kept thinking and thinking about her.
When I returned to the seminary after the wedding, I could not pray for over a week because when I tried to do so, the girl appeared in my head. I had to rethink what I was doing.”
Dugang pa niini nga libre pa siyang mo-pauli kaniadtu sa ilaha tungod kay usa pa man kini ka seminarista. Apan makapila matud pa niini nga gihuna-huna ang maong desisyon.
“I was still free because I was a seminarian, so I could have gone back home and that was it. I had to think about my choice again. I chose again – or let myself be chosen by – the religious path.
it would be abnormal for this kind of thing not to happen”
ANG DAKONG PAGSALIG SA TRADISYON
Taliwala niini, dako gihapon ang pagsalig sa Santo Papa sa tradisyon nga dili pag-minyo sa mga Pari.
Sulod usab sa maong libro, giyagyag ni Papa Francisco ang mga key events sa iyahang kinabuhi sama sa World War II, Military Dictatorship sa Argentina, Cold War, ingon man ang September 11 nga atake sa twin tower sa US.
ANG KAMATAYON SA SANTO PAPA
Kahinumdumang gikumpirma sa Vatican Doctor nga si Andrea Arcangeli nga cerebral stroke, coma, ug irreversible cardiocirculatory collapse ang gikamatyan ni Pope Francis, base na sa nakasulat sa death certificate sa 88-year-old pontiff nga gipagawas sa susamang adlaw, Abril 21.
Gipublisar kini sa Vatican, diin sumala pa, na-coma na ang Santo Papa adiser kini namatay tungod usab sa mga daan na niining gihambin nga sakit sama sa bilateral microbial pneumonia, multiple bronchitis, arterial hypertension, ingon man type II diabetes.
Kahinumduman nga dakong kakurat sa mga katawhan St. Peter’s square kagahapon sa alas-7:35 sa buntag kon ala-1:35 sa hapon dinhi sa Pilpinas dihang ning tingog sa halos 15 minutos ang mga kampana sa maong dapit, butang nga dili sagad nga mahitabo.
Ika-88 ka higayong gipabagting ang maong mga kampana, pahinungod sa 88 ka tuig sa Santo Papa ning ibabaw sa kalibutan.
