BUTUAN CITY – Patay ang usa ka high ranking personality sa New People’s Army (NPA) Communists Terrorist Group (CTG) atol sa engkwentro tali sa iyang grupo ug sa mga sakop sa 30th Infantry (Fight On) Battalion, Philippine Army sa bukirang bahin sa Sitio Pingaping, Brgy Motorpol, Tubod, Surigao del Norte kagahapon.
Gi-ila ang namatay sa iyang mga kanhi ka-ubanan nga si Christopher Jhon Trugello, alyas Krokis ug Ajit, usa ka political instructor sa Sandatahang Yunit Pangpropaganda (SYP) Platoon 16C2, Guerilla Front (GF) 16, NorthEastern Mindanao Regional Committee (NEMRC) ubos kang Albert Castañeda alyas JD, residente sa Purok Rosal, Brgy Quezon, Surigao City.
Nasayrang adiser ang engkwentro, nakadawat ang tropa sa militar og reports gikan sa mga residente kalabot sa presensya sa maong mga Communist Terrorists sa nasangpit nga lugar hinungdan sa ilang gilusad nga combat patrols.
Pag-abot nila sa maong lugar, ilang na-agbat ang maong grupo nga nag-ukupa sa heavily fortified temporary encampment nga duna’y mga fungi sticks ug Improvised Explosive Device (IED) kansa gipangbutang ila palibot sa temporary encampment.
Naka-engkwentro nila ang gilbana-banang 15 ka mga rebelde sulod sa 25-minutos hangtud nga nanibat ang mga rebelde resulta sa pagkarekober sa ilang kampo. Duna’y na-igo sa mga rebelde gawas sa namatay base na usab sa lama sa dugo sa lugar nga ilang gi-agian sa pagsibat.
Nakit-an ang patay’ng lawas sa rebelde dihang gisuhid na sa militar ang ilang gisibatan ug narekober ang bitbit niining usa ka 9mm caliber pistol nga duna’y magazine ug duna’y sulod nga mga buhing bala.
Ubay-ubay usab nga mga war materials ang narekober sama sa mga buhing bala sa managlahing kalibre sa armas, mga personal nga gamit, pagkaon, lima ka mga belongings jungle packs, 12 ka mga makeshift tents, mga subersibong dokumento.
