BUTUAN CITY – Mamahimong mahitabo ang political crisis sa nasod sa Pilipinas tungod pagyatak sa katungod sa Chief of Staff ni Vice President Sara Duterte nga si Atty. Zuleika Lopez.
Kini ang opinyon ni KASAMBAYAN Secretary General Jefrey “Ka Eric” Celiz mahitungod sa pagbilanggo matud pa kang Atty. Lopez.
Dugang niini nga usa matud pa ka derektang pagpang-insulto ug paglapas sa protocol of courtesy sa opisina sa Bise Presidente ang gihimo sa mga kongresista sa House of Representative.
Pangag-pas pa ni Celiz nga kung dili kini mapugngan, ang maong political crisis, kay pwede pang mamahimo nga political conflict kansa mamahimong maka pa-diskontento sa mga katawhang Pilipino, nga usa usab sa mga rason sa political division.
Nagtoo usab ang nasangpit nga lider nga ang mgaong mga panghitabo kay mamahimong maka apekto sa ekonomiya sa nasod.
Gihimong panag-ingnan ni Celiz alang sa gitawag niini nga kabalaka sa mga kadagkuan mahitungod sa political crisis ug sa dibisyon sa Pilipinas ang pagpagawas og pamahayag ni Armed Forces of the Philippines Chief of Staff Romeo Brawner Jr. nga kinahanglang mamahimo lamang nga loyal sa konstitusyon ug sa chain of command ang mga kasuldalohan.
Ang pamahayag ni KASAMBAYAN Secretary General Jefrey “Ka Eric” Celiz sa pakighinabi ning sibyahan.
Dugang pa ni Celiz nga lakip sa nag-abusar na sa iyahang gahum ang ig-agaw sa Presidente nga si House Speaker Martin Romualdez kansa sumala niini nga maoy utok sa mga panghitabo karon sa Kamara batok sa mga Duterte.
