BUTUAN CITY – Na-aresto na sa mga otoridad ang gibansagang big boss sa Lucky South 99, ang operator sa Philippine Offshore Gaming Operations kon POGO sa Porac, Pampanga.
Sigon ni Presidential Anti-Organized Crime Commission spokesperson Winston Casio, ilang na-aresto si Lyu Dong kinsa naila usab sa bansag nga “Boss Boga”, “Boss Apao” ug “Boss Bahaw” sa usa ka residential subdivision sa Laguna kagabii. Na-aresto siya tungod sa warrant of arrest ug mission order human gilambigit sa nagkada-iyang krimen ang POGO sa Porac.
Sukad migawas ang warrant of arrest niini, gitiktikan na nila ang mga lihok ni Lyu Dong hangtud nga mitambong kini sa usa ka kumbira ug dali kining gisikop ug gidala sa detention facility sa PAOCC sa Pasay City alang sa inquest procedures.
Imbestigahan usab ang mga ka-ubanang lngyaw ni Lyu Dong sa Bureau of Immigration. Sigon sa PAOCC, ang pagka-aresto kang Lyu Dong, usa ka dakong lakang aron hingpit nang mabungkag ang presensiya sa mga POGO hubs dinhi sa nasud.
