BUTUAN CITY – Gisugdan na sa Philippine National Police kon PNP ang pagpangandam alang sa eleksyon sunod tuig.
Sigon ni PNP chief Gen. Rommel Marbil, magmontar na sila og daghang mga checkpoints, magpahigayon og mas daghan pang police operations ug maglusad og mga programa aron tas-an ang kahibalo sa publiko ug madani silang ireport ang mga kadudahang aktibidad.
Subay na usab kini sa direktiba nga mag-deploy sila og 85% ka kapulisan sa field, magpakaylap og dugang resources ug mga personahe sa mga matumbok nga election areas of concern.
Gawas pa kini sa pagpatrolya sa mga critical areas, pagpakusog sa intelligence operations batuk sa mga private armed groups, illegal drug trade ug pagpatuman og mas hugot nga lakang sa PNP-Civil Security Group ug sa Firearms and Explosives Office aron ma-account ang mga lehitimo ug mga loose firearms sa mga high-risk areas.
Gi-awhag usab sa PNP chief ang publiko nga makig-alayon sa mga otoridad pinaagi sa paghatag og impormasyon nga makatabang aron matud-an ug madakpam ang mga nalambigit sa mga ilegal nga kalihukan.
