BUTUAN CITY – Gipaniguro sa Philippine National Police kon PNP nga nakapakuyanap na sila og mga pulis sa Metro Manila ingon man sa ubang apektadong lugar sa Bagyong Enteng arun mo alalay ug masigurong luwas ang publiko sa pagkusokuso sa bagyong Enteng sa nasod.
Sumala ni Philippine National Police kon PNP Spokesperson Col. Jean Fajardo nga nga anaa na sa 5,234 ka mga Pulis ang kasamtangan nga nakadeploy karon sa Metro Manila ug sa uban pang mga lugar, lakip na niini ang mga ana sa Evacuation Center.
Tumong sa maong mga pulis sa mga balay-hiklinganan kay arun siguraduhong luwas ingon man ang mga nanghikling partikular na ang mga bata ingon man ang mga kababayen-an. Sumala pa ni Fajardo nga sukad gagabie, base sa mando sa National Risk Reduction and management Council, na-activate na ang 11 sa 15 ka mga response cluster lakip na ang law and order response Cluster nga gipangunahan sa Philippine National Police.
Gawas niini, base na usab sa derektiba ni PNP Chief PGEN. Romel Francisco Marbil, gipaactivate na usab ang tanang mga regional incident management task group para masunod ang humanitarian protocol sa kalabot na sa humanitarian assistance ug disaster response.
Sa kasamtangan, naka sentro na ang Humanitarian and disaster response operations sa region 5, Region 4-a, ingon man sa national capital region diin hangtud karon, apektado gihapon sa daut nga panahon.
Ang pamahayag ni PNP Spokesperson Col. Jean Fajardo.
