BUTUAN CITY – Anaa na sa katapusang adlaw sa iyang tulo ka adlaw nga command visit sa tanang mga provincial ug pipila ka mga city police offices ning rehiyon sa Caraga si Philippine National Police kon PNP Chief Director General Guillermo Eleazar human nahidangat dinhi sa dakbayan sa Butuan niadtong Lunes sa buntag.
Sa eksklusibong pakighinabi sa Bombo Radyo Butuan, gipadayag ni PRO-13 information officer PMajor Dorothy Tumulak, nga gikalipay og dako ni General Eleazar ang pagsunod sa mga police stations ning rehiyon sa iyang gipatumang ‘Intensified Cleanliness Police”.
Nasayrang sa paglibot ni General Eleazar, apil sa iyang gisusi ang mga nakahan-ay pa ug nahimo nang mga kalihukan nga gi-post sa bulletin board sa matag-istasyon igon man ang paghikap sa mga bungbong ug hand rails sa mga hagdanan.
Sa iyang pagpamulong sa gawas nga bahin sa General Luna Municipal Police Station sa Siargao Island sa Surigao del Norte, gidayeg ni Gen. Eleazar nga ang kahinlo ug kapresenbtale sa station premises.
Gipadayag pa niining mahinungdanon ang kahinlo sa palibot sa mga police stations aron makakuha og respeto ug pagsalig gikan sa publiko.
