BUTUAN CITY – Andam na ang Philippine National Police alang sa umalabot nga eleksyon karong Mayo 12 ning kasamtangan nga tuig. Sumala pa ni PNP Chief Gen. Francisco Marbil, 100% na matud pang andam ang mga kapulisan nga mobantay alang sa kalinaw sa mga voting centers karong umalabot nga eleksyon.
Sumala pa sa opisyal nga lakip usab siya sa mga madeploy panahon sa eleksyon.
Dugang pa niini nga sugdan na ang ilahang pagdeklara og full alert status karong adlawa, siyam ka adlaw ayha ang piniliay.
Samtang, anaa na usab sa 80% sa mga pulis nga mo tabang sa kalinaw sa Bangsamoro Autonomous Region in Muslim Mindanao ang naka-andam na sa mga lugar sa nasangpit nga rehiyon.
Gipaniguro usab ni Marbil nga ang eleksyon karong tuiga ang mamahimong pinaka malinawon nga eleksyon kung itandi sa mga nakalabayng eleksyon sa Pilipinas.
