BUTUAN CITY – Nakigtagbo si Pangulong Ferdinand Marcos Jr. sa mga lider sa Cambodia, Thailand, ug Canada human sa pagbukas sa 47th ASEAN Summit sa Kuala Lumpur, Malaysia.
Sa iyang pakigtagbo kang Cambodian Prime Minister Hun Manet, gisiguro sa pangulo ang suporta sa Pilipinas alang sa mapasigarbuhon ug malinawong pagresolba sa bangi tali sa Thailand ug Cambodia.
Nakigpulong usab siya kang Thai Prime Minister Anutin Charnvirakul, ug nagka-uyon ang duha ka lider nga palig-onon ang kooperasyon sa natad sa turismo, negosyo, ug agrikultura sa duha ka nasod.
Nakigkita usab siya kang Canadian Prime Minister Mark Joseph Carney, diin gipadayag sa Canada ang suporta niini sa baruganan sa Pilipinas sa West Philippine Sea.
Gawas niini, nakigtagbo usab ang Presidente kang European Council President Antonio Costa ug sa bag-ong Prime Minister sa Japan nga si Sanae Takaichi.
Makasaysayanon usab ang ASEAN 2025 para sa Pilipinas tungod kay ipasa sa Malaysia sa Pilipinas ang chairmanship sa ASEAN 2026.
