BUTUAN CITY -Gikumpirma ni Senate Blue Ribbon Committee Chairperson Panfilo “Ping” Lacson nga magsugod na usab ang ilang pagdungog sa mga anumalosong flood control projects sa Enero 19 pasado ala-una sa hapon.
Sumala ni Lacson, hisgutan sa hearing ang gika-ingong pag-atras sa mga kanhi opisyal sa Department of Public Works and Highways kon DPWH-Bulacan nga sila si Brice Hernandez ug Henry Alcantara sa ilang mga gipangbutyag sa senado.
Dugang sa senador, bisan gibutyag na sa Department of Justice kon DOJ nga wala pormal nga gibawi ni Alcantara ang iyang mga gibutyag sa gika-ingong mga anomalya sa proyekto sa imprastraktura sa gobyerno atol sa hearing sa Senado nga gihimo niadtong Septyembre 2025, hisgutan gihapon kung unsa ang mga posibleng mahimong silot ugaling bakwi-on sa mga nasangpit nga kanhi opisyal sa DPWH ang ilang mga gipanumpa-anh pamahayag sa komite.
Ila pang klaruhon sa DOJ kung nagsubmite ba og counter affidavit sa ilang mga gibangbuhi-ang pulong ang mga kanhi opsiyal sa DPWH dayong siguro nga tas-an ang posibleng mahimong silot kung ugaling mapamatud-an ang pag-atras.
