BUTUAN CITY – Buhion na sa Butuan Transport Federation ang ilang petisyon alang sa usbaw sa plitihan human ang bigtime price hike nga gipatuman sa mga mga oil companies sugod kagahapon sa alas-sais sa buntag.
Sa eksklusibong pakighinabi sa Bombo Radyo Butuan, gipadayag ni Butuan Transport Federation, Inc. President Willie Cubillas nga panahon na aron ila nang ipamugos ang dos-pesos nga usbaw sa plitehan nga ilang gipangayo pinaagi sa giduso nilang petisyon niadtong Agusto ning mi-aging tuig 2018.
Nakalatid dini nga sa unang upat ka kilometrong biyahe ug dugang uno-75 usab sa matag-musunod nga kilometro.
Higayong ma-aprubahan na, mamahimo nang 10-pesos ang minimum nga plitehan gikan sa 8-pesos og madugangan pa og uno-75 sa matag-madugang nga kilometro.
Aminado si Cubillas nga sakit kaayo alang kanilang ang taas kaayong usbaw sa presyo sa mga produktong petrolyo rason nga kinahanglan na usab nilang magpa-usbaw sa plitihan.
Unang ma-apektuhan matud pa niini mao ang ila unyang kitaon sa pagpamasada nga siguradong maminusan na rason nga ma-apektuhan na usab ang ilang dalhong pagkaon sa ilang pamilya.
