BUTUAN CITY – Gipa-imbestigahan na sa Philippine National Police kon PNP Chief Director General Jose Melencio Nartatez Jr ang pagkamatay sa usa ka police official sulod sa Camp Catitipan sa Brgy Buhangin, Davao City kaganinang buntag.
Ang biktimang duna’y ranggong police lieutenant colonel, nakit-ang wala nay kinabuhi sulod sa iyang kwarto.
Nasayran ipabalhin unta ang sakyanan sa biktima alang sa preparasyon sa pag-abot ni Gen Nartatez apan wala na kini gatubag rason nga pugsanong gisulod ang iyang kwarto ug didto na kini nakit-ang nagbuy-od na.
Gidala pa sa balay tambalanan ang biktima apan gideklara na kining patay sa doctor.
Sigon ni General Nartatez, nakit-an ang biktimang nagbuy-od na ug puno sa dugo ang salog pasado alas-siete sa buntag, ang oras diin anaa na siya sa Davao City International Airport ug kinahanglan kining imbestigahan aron masuta ang kinatibuk-ang dagan sa panghitabo.
