BUTUAN CITY – Gikumpirma ni Senate President Vicente Sotto III nga 100% nga mobalik si Senate President Pro Tempore Ping Lacson isip chairman sa Blue Ribbon Committee nga nag-imbestigar sa anomalusong flood control projects.
Sigon ni Sotto, opisyal nga molingkod si Lacson isip chairman sa Blue Ribbon Committee karong Nobyembre 10, sa pagsugod sa Second Regular Session sa 20th Congress.
Nagka-istoryamatud pa sila ni Lacson mahitungod sa posibilidad nga mobalik kini sa komite tungod sa “unfinished business” o wala pa mahuman nga mga imbestigasyon nga nasugdan kaniadto.
Gipasabot usab ni Sotto nga nakulangan si Lacson sa dagan sa imbestigasyon, maong kini ang hinungdan nga mobalik siya isip chairman sa komite.
Samtang, gitanyag usab ang posisyon sa ubang miyembro sa mayorya, apan matod ni Sotto, wala gyud silay tibuok kasingkasing nga modumala sa Blue Ribbon Committee.
Gisiguro sa Senate President nga andam sila sa bisan unsang posibleng resulta sa pagbalik ni Lacson.
