BUTUAN CITY-Gihukmang guilty ang Squid Game actor ug Korean star nga si O Yeong-su, 79 ansyos, sa kasong sexual misconduct kontra sa usa ka aktres sa South Korea. Kini ang gikumperma sa local court sa nasangpit nga nasod niadtung Biernes, Marso 15 human gipasakahan og kaso ang nasangpit nga lolo mahitungod sa reklamo nga sexual abuse sa usa ka aktres niadtung tuig 2017.
Sumala sa report sa Suwon District Court sa Seongnam Branch, nahitabo ang ngilngig nga pagpangabuso niadtung tuig 2017 dihang nag pundo kini sa rural area alang sa usa ka theatre performance. Pugsanon usab kining gipanghimakak sa maong aktor, apan mas mipatigbabaw gihapon ang reklamo sa aktress tungod kay sumala pa ni Judge Jeong Yeon-ju, tungod kay consistent matud pa ang mga gipang asoy niini, ingon man imposible matud pa kung dili tinood ang mga gipasangil sa maong aktress ngadto sa tigulang.
Tungod niini, gisentensyahan ang maong aktor og duha ka bulan nga pagka bilango ingon man duha ka tuig usab nga suspensyon sa entertainment industry. Gawas niini, gimanduan usab sa korte sa maong nasod ang nasangpit nga aktor nga mosalmot sa 40 ka oras nga kalse mahitungod sa sexual violence. Kahinumduman nga naila ang nasangpit nga aktor isip si player 001 sa sikat nga korean series nga “SQUID GAME”.
