BUTUAN CITY – Nakatutok sa mga plataporma sa mga kandidato ang importante ug kasagaran nga ginahisgutan sa mga Americano matag eleksyon.
Sumala ni Bombo International Correspondent Reymond Mosquito direkta gikan sa swing state North Carolina, edukado sa eleksyon ang mga taga-Amerika kansa sukwahi sa Pilipinas tungod kay ang ilang sumbanan sa mga botaran, dili man ang kwarta kondili ang ilang gina-asdang o gustong bag-ohon nga polisiya higayong mapili sa daganang posisyon.
Dugang ni Reymond nga dili matud pa mangita ang mga tawo sa maong nasod og alindahaw sukwahi sa Pilipinas nga hulatan pa aron botaran ang kandidatong makahatag og dakon kwarta.
Sa kasamtangan, si Harris, nga nahimong Democratic Party candidate human mi-atras si President Joe Biden, gi-asdang ang katungod sa pagpapunit kon pagpa-abort ug misaad nga kunhuran ang galastuhan sa pagkaon ug pabalay sa mga pamilyang Amerikano.
Samtang si Republican candidate Trump, nga nakalingkawas sa duha ka mga assassination attempts ning tuiga, misaad usab nga sirad-an ang ilang borders ug nagsugyot nga kunhuran ang buhis niadtong nagkantidad na og trilyunes dolyares nga mga income.
Dugang ni Mosquito, usa matud pa sa kultura sa mga Amerikano ang pagbutang mga placards nga pula o diba kaha blue, depende kung si kinsa ang ilahang gisuportahan.
Ang pamahayag ni Bombo International Correspondent Reymond Mosquito.
