BUTUAN CITY – Nakumpirma sa gihimong pakisusi ni Bombo News Correspondent to Siargao Ruel Hipolan nga usa sa duna’y pinakamahal nga baligyang plane ticket sa mga tourist destinations sa tibuok Pilipinas, ang padulong sa Siargao Island.
Madumdumang ang maong isyu nadala pa sa Kongreso diin didto naghatag og pagpasabot ang mga airline companies lakip na ang hingtungdang mga ahensiya sa gobyerno.
Sigon ni Hipolan, tungod kini sa pasilidad sa Siargao airport nga dili pwede maka-akomodar og mga dagkong eroplano rason nga mas gamay nga eroplano lang ang magbiyahuan sa maong isla nga makapasakay ug gamay ra usab nga ihap sa pasahero apan susama ra ang galasstuhon sa airline company.
Giklaro usab ni Hipolan nga ang plete sa eroplano magdepende sa panahon ug sa pasahero diin ang pinakamahal nagkantidad og 15-mil ngadto sa 18-mil pisos sa usa lang ka biyahe gikan sa Siargao ngadto sa Manila o Vice versa.
Apan pwede gihapon usab nga makabaratu ilabina kung magpa-book kang daan nga adunay 5-mil nagdto sa 6-mil pesos. Hinuon, duna nay barko nga mibiyahe padulong sa Siargao ka-usa kada-semana.
