BUTUAN CITY – Pito ka mga sibilyan apil na ang mga minor-de-edad ang gidagit sa mga rebeldeng New People’s Army kon NPA sa boundary sa Tandag City og lungsod sa Lanuza pulos sakop sa Surigao del Sur.
Gi-ila ni 1st Lt. Jonald Romorosa, Civil Military Operations kon CMO sa 36th Infantry Battalion, Philippine Army, ang mga gidagit nga sila Ryard Badiang, 24-anyhos; Wendil Delicuna, 25-anyos; Angelo Duazo, 34-anyos; Moni Bulando, 20 –anyos; Rodelo Montenegro, 4-anyos og duha ka mga batang nag-edad og 8 og 12-anyos, pulos residente sa Sitio Ibuan, Brgy Mampi, Lanuza, Surigao del Sur.
Gika-ingong nanguha matud pa og anod nga mga kahoy sa suba ang mga biktima ning mi-aging buntag dihang sila gi-harass og gibihag sa gibana-banang pito ka armadong kalalakin-ang mga armado.
Gika-ingong gigapos matud pa sila Ryard Badiang, Wendil Delicuna, og Angelo Duazo og gidala sa bukirang bahin sa Banahao, Brgy Maitom, Tandag City samtang ang uban gihulga og gibuhian ra pagka-alas tres sa hapon sa susamang adlaw.
Sigon ni LTC Xerxes Trinidad, ang maong insidente usa ka klarong manifestation nga gusto lang sa mga rebeldeng grupong kapason ang balaud og dili respetuhon ang international humanitarian law.
Kini ilabina nga ang apil sa ilang gihulga ang mga bata kansa klaro usba matud pang usa ka tinalawang buhat.
