BUTUAN CITY- Pito ka mga opisyal sa kapulisan ang gitumbok nga suspek sa pagpamusil kang self-confessed drug Lord ug Albuera, Leyte mayoral candidate Kerwin Espinosa nga anaa na sa kustudiya sa kapulisan. Sigon ni PNP Spokesperson Brig. Gen. Jean Fajardo, usa matud pa ka sakyanan nga dunay tarpaulin ni Kerwin ang nakit-an atul sa krimen, apan dali kining ninglarga pagka-igo sa biktima.
Dihang gihimo matud pa ang hot pursuit operation, natud-an ang maong sakyanan sa usa ka compound diin nasakpan usab ang pito ka mga pulis nga naka-sibilyan lang.
Sumala ni Police Regional Office kon PRO-8 public information office chief Police Major Analiza Armeza, anaa na sa stable nga kahimtang si Espinosa kauban ang uban pang mga biktima lakip na ang ningdagan pagka bise-mayor nga si Mariel Espinosa Marinay ug laing usa ka menor de edad.
Sa iyang gi-post nga video, iyang gipadayag nga ang hulga sa iyang kinabuhi, duna’y kalabutan sa mga personalidad nga posible matud pang ma-apektuhan ang mga negosyo kung siya ang mudaog pagka-mayor sa Albuera karong eleksyon.
Si Kerwin Espinosa.
