BUTUAN CITY – Kasado na ang ipahigayong nationwide transport strike sa umalabot nga Oktubre 16 – 17 ning tuiga.
Sa pakighinabi ning sibyahan, gibutyag ni George San Mateo, national president sa Pinag-isang Samahan ng mga Tsuper at Opereytor Nationwide (PISTON), nga mahinayon na gyud ang nasangpit nga hunong-pasada sa nasangpit nga petsa isip pagpakita sa ilang hugot nga pagsupak ug pagkondena sa modernization program sa gobyerno ngadto sa mga pampublikong jeepneys.
Sigon niini nga alang kanila, usa matud pa kini ka peke nga modernization program ug matawag lamang nga patakarang liberalisasyon ug de-regulasyon sa kasamtangang gobyerno.
Matud pa nga dili gyud kini makatabang sa mga kabus nga driver ug operator sa jeepney sa nasud tungod kay hulipan naman kini sa mas mahal nga mga e-vehicles.
Hinuon, gitin-aw niini nga dili matud pa sila supak sa planong modernisasyon basta dili lang kini makaapekto sa panginabuhi sa mga kabus nga anaa sa transport sector ug kinahanglan usab nga dili imported ang mga ihulip nga e-vehicles aron nga dili kaayo mahal ang presyo. (Mon Aplaya)
