BUTUAN CITY – Nahimong magul-anon ang unta masadya nga pagsaulog sa kapistahan sa Barangay Bit-os ning siyudad sa Butuan human miulbo ang kalayu ug milamoy sa 3 ka mga panimalay samtang 3 usab ang partially burned kaganinang alas 11:55 sa sayung kaudtuhon.
Nagsugod ang kalayu sa kusina nga bahin sa panimalay ni Aimee Koskos nga miugdaw usab sa tapad niining balay nila Montaos ug Linda Indat sa may Purok-3 sa maong barangay.
Sa eksklusibong pakighinabi sa Bombo Radyo Butuan kang Aimee Koskos, gisaysay niini nga gikan ang iyang pamilya nanimba ug mao nalay gibalita nga nasunog na ang ilang balay.
Sumala pa niini nga nakita matud pa sa iyang bana nga sa kusina nagsugod pagulbo ang kalayu nga gisulayan pa nila ug palong apan wala na kini madala pa ug hingpit nga nalamoy ang tibook balay.
Walay ni-bisan usa ka gamit ang ilang nasalbar gawas pa sa kawalay ideya kung asa sila mopuyo karung wala na silay balay.
Samtang gibutyag usab ni SFO4 Rodrigo Canton, City Fire marshall sa Bureau of Fire Protection kon BFP-Butuan nga padayon pa ang ilang imbestigasyon aron masuta ang hinungdan sa pag-ulbo sa kalayu.
Sumala pa niini nga nagkayu pa sa dihang nakaresponde ang ilang mga personahe apan tungod kay gama sa light materials ang mga panimalay, maong dali kining na-ugdaw.
