BUTUAN CITY – Ilusad na sa Department of Trade and Industry kon DTI-Agusan del Norte karong Huwebes, Nobyembre 17 hangtud Disyembre 2 ang Produkto Ipasigarbo sa Tabuan sa Agusan ug Butuan kon PISTA Christmas Bazaar.
Sa eksklusibong pakighinabi sa Bombo Radyo Butuan, gipadayag ni DTI provincial director Lorijane Sacote, nga sa maong mga adlaw, ang mga negosyo centers ning lalawigan ug siyudad, magmontar og trade fair posts aron didto nila i-display ang ilang mga produkto.
Himuon ang kick-off ceremony niini sa SM Butuan kondiin target lang nilang makahalin sa ilang mga produkto og 250-mil pesos.
Gawas sa mga home-made food products, duna usab sila’y ipang-display nga mga local Christmas decors ug mga produktong gikan sa lubi.
Wala matud pa’y angayang kabalak-an ang publiko tungod kay mas barato ang mga ipang-display nga produkto kumpara niadtong mga gikan sa gawas sa Caraga Region ug mas presentable pa ang kalidad sa mga niini.
Pinaagi matud pa niini, matabangan ang mga micro, small and medium enterprises kon MSMEs nga musaka ang ilang kita ilabina nga suportado kini sa nagkada-iyang ahensya sa gobyerno ug sa mga hingtungdang local government units.
.
