BUTUAN CITY – Gilusad sa Department of Trade and Industry kon DTI-Agusan del Norte provincial office ‘Produktong Ipasigarbo Ta Sa Tabuan sa Butuan ug Agusan’ kon PISTA Christmas Bazaar.
Sa eksklusibong pakighinabi sa Bombo Radyo Butuan, gipadayag ni provincial director Brenda Corvera nga sa maong bazaar, ilang gipakusgan ang ‘Buy Local’ kansa usa ka blended trad fair isip tabang sa mga Micro, Small and Medium Enterprises kon MSMEs nga makabangon human mihagba ang ilang negosyo tungod sa epektong hatud sa COVID-19 pandemic.
Sigon ni Corvera, dugang market venue kini alang kanila ilabina karong Christmas season sa ingon duna usa’y alternatibong kadu-ulan ang mga konsumidor ilabina niadtong gustong makapalit og mga baratong locally-produced products.
Siyam ka mga Negosyo Centers ang misalmot niining PISTA Christmas Bazaar kondiin walo niini sa nagkada-iyang lungsod sa Agusan del Norte ug usa dinhi sa dakbayan sa Butuan.
Apil sa mga display niini ang mga foods ug non-food items nga mamahimong orderon online o kaha tawagan sa ilang mga contact numbers.
