BUTUAN CITY- Natala pag-usab karung Marso 31, 2026 ang pinaka-huyang nga bili sa piso sa kasaysayan human magsira ang trading sa P60.74 matag US dollar, mas ubos kumpara sa record kagahapon nga P60.69.
Ming-abot pa intraday low nga P60.84 adiser nagisra ang exchange rate, kansa mipakita og padayon nga presyur sa lokal nga currency.
Sa kinatibuk-an, ming-ubos na sa dul-an P1.90 ang piso gikan Disyembre 2025 kung asa anaa sa P58.79 pa kini.
Sumala sa mga analysts, ang paghuyang sa piso tungod sa minggrabe nga tensyon sa Middle East nga nakapahimo og pagsaka sa presyo sa lana
Karung simanaha anaa sa $87 matag bariles ang Brent crude, nga nagpagrabe sa inflation ug nagpakusog sa demand alang sa dolyar.
Dungan niini, minghugno og 2.5% ang Philippine Stock Exchange Index (PSEi) niadtong Marso 30, 2026, indikasyon sa kabalaka sa mga investors.
Gisiguro usab sa Bangko Sentral ng Pilipinas nga padayon nilang bantayan ang sitwasyon ug gikatakdang magpulong sa Abril 23 aron sihurohon ang posibleng monetary policy response.
