BUTUAN CITY – Giimbistigahan na sa Department of Tourism kon DOT ang “Love the Philippines” campaign video niini human nga gitudlo sa mga netizens nga ning gamit matud p akini og mga “non-original shots” sa mga lokasyon sa gawas sa nasod.
Base sa Facebook post ni Sass Sasot nga usa ka blogger, ningamit matud pa ug mga stock video clips gikan sa Storyblocks ang maong campaign video, usa kini ka subscription-based stock footage website nga dile kinuha sa Pilipinas.
Sumala ni Sasot nga dile mo ubos sa lima ka eksena ang gi kuha sa laing nasod, kini mao ang mga eksena sa rice terraces nga gi shoot sa Bali, Indonesia; mangingisda nga nag itsa ug laya nga kinuha sa Thailand); pampasaherong eroplano nga nagkaduol sa runway nga gi kuha sa Zurich, Switzerland; mga dolphin diin dile kinuha sa Pilipinas, apan wala pa naila ang lokasyon; ingon man ang eksena sa tawong nagdrive sa sand dunes nga kinuha sa Dubai, United Arab Emirates. Una nang gipahayag ni Tourism Secretary Christina Frasco nga ning gasto matud pa ang ilahang departamento ug mokabat sa 49 milyones ka pesos alang sa “Love the Philippines” campaign ug slogan nga gi lusad usab niadtung Hunyo 27.
Sa kasamtangan, nag imbistiga na ang DOT alayon na sa maong isyu nga gika atubang sa ilahang promotional video.
