BUTUAN CITY – Suportado sa pipila ka mga Senador sa Pilipinas ang desisyon ni Presidente Ferdinand Bongbong Marcos nga dili tumpangan ang pagpamomba sa China sa mga barko sa Pilipinas gamit ang water Cannon, pinaagi sa pag balos usab gamit ang maong mga hinagiban.
Sigon ni Committee on National Defence Chairman Senator Jinggoy Estrada, responsibilidad matud pa sa atung nasod nga magpabiling lig-on sa pagbantay sa atung maritime ug sovereign rights pinaagi sa rules-based approach.
Dugang sa maong senador nga dapat esentro nalang hinoon sa Pilipinas ang pagpaningkamot niini sa pagpanigurong protektado ang atung territorial ingon man maritime interest pinaagi sa pag sunod sa mga balaod sama sa paggamit sa mga diplomatic channels ug malinawong pag resolba sa tensyon.
Alayon niini, gikataho usab ni Senate Special Chairman of the Special Committee on Maritime and Admiralty Zone Chairperson Senator Francis Tolentino, nga praktikal og responsable ang desisyon ni Presidente Ferdinand Bongbong Marcos aron nga mapataas pa ang morale sa Pilipinas.
