BUTUAN CITY – Dismayado ang pipila sa mga mambabalaod sa nahimong pamahayag ni Senador Chiz Escudero kagahapong adlawa. Subay sa pamahayag ni incoming Congresswoman ug usa sa mga prosecution panels sa ubos-balay balaoranan nga pakyas matud pa sa pagklaro si Senator Escudero kung mahinayon pa ba ang pagtaral sa bise Presidente.
Sumala niini nga nag ekspektar siya og dako sa pamulong sa Senador. Naglaom matud pa siya nga barugan ni Senador Chiz nga dayonon sa Senado ang impeachment trial. Una nang gikataho ni De Lima nga unconstitutional ang gihimong pag-sibog ni Senador Chiz sa pagbasa sa Articles of impeachment gikan sa Hunyo 2 ngadto 11.
Ang pamahayag ni incoming Congresswoman Liela De Lima.
Lakip sa nadismaya sa mga desisyon ni Senador Escudero si Senadora Risa Hontiveros, kansa sumala sa pamahayag niini nga sobra na ang paghulat-hulat sa mga Pilipino alang sa nasangpit nga Impeachment Trial.
Saysay sa Senadora nga taliwala pa man nga nasabtan niini ang iyahang mga kaubanang Senador sa pagpapasar sa mga mas importanteng balaodnon sama sa Anti-POGO bill, kinahanglan usab matud pang sabton nga dili nila mamahimong talikdan ang gisangon kanila sa konstitution.
Subling giklaro sa Senadora ang baruganan niini nga kinahanglang “sugdan gilayon” ang impeachment trial sa usa ka opisyal, subay na usab sa nakalatid sa konstitusyon nga “the senate must forthwith proceed” sa nasangpit nga pagtaral.
Sumala niini nga paglapas na sa konstitusyon kung ugaling duna pay laing postponement nga himoon ang Senado sa nasangpit nga Impeachment.
Ang pamahayag ni Senadora Risa Hontiveros.
Apan para kang House Speaker Martin Romualdez, kinahanglan matud pang respitohon sa mga mambabalaod ang desisyon ni Senador Escudero mahitungod sa impeachment proceedings kontra kang Vice President Sara Duterte.
Sigon niini nga wala matud pa siya mabalaka tungod kay salig siya sa panlantaw sa Senate President.
Ang pamahayagag ni House Speaker Martin Rumualdez.
