BUTUAN CITY- Gilusad sa kanhing mga membro sa Kingdom of Jesus Christ kon KOJC ang usa ka silent protest sa konsulada New York City kagahapong adlawa.
Gipanawagan sa maong mga indibidwal ang gobyerno sa Pilipinas nga dakpon na gilayon ang kanhi nilang lider, kansa nagtangag og kalse-klaseng mga kaso sa Estadus Unidos ingon man sa Pilipinas.
Lakip sa mga ning salmot sa maong protesta ang kanhing Pastoral Member nga si Arlene Stone, usa sa sa mga ning testigo batok kang Pastor Apollo Quiboloy sa pagdungog sa Senado dinhi sa Pilipinas. Sumala ni Stone nga dili siya kombinsidong gipangita sa mga otoridad sa Pilipinas si Quiboloy.
Dugang pa ni Arlene nga dako ang iyahang pagtoo nga nakabalo si Duterte kung asa karon nahimotang ang kanhi niining Pastor.
Una nang nagpagawas og pamahayag ang kanhi Presidente sa Pilipinas nga si Rodrigo Roa Duterte nga wala niini tabangi og tago si Quiboloy, gani, gibutyag pa sa kanhi Presidente ang, matud pa, nahimutangan sa wanted nga si Quiboloy.
Samtang, nagpaskil usab ang uabng mga kauban ni Stone og wanted poster ni Quiboloy sa Little Manila sa Woodside, Queens.
