BUTUAN CITY – Gika-alarma ni Senador Risa Hontiveros ang pagkalambigit sa kanhi opisyal sa gobyerno nga nadamay sa Priority Development Assistance Fund kon PDAF scandal sa gironda nga illegal nga kuta sa Philippine Offshore Gaming Operations (POGO) sa Bamban, Tarlac ug Porac, Pampanga.
Sigon ni Hontiveros, alarming ang pagkalambigit ni kanhi Technology and Resource Center Director General Dennis Cunanan, sa gironda nga POGO.
Gibulgar niini ang pipila ka dokumento nga nagpakitang nalambigit si Cunanan, nga unang nasentensiyahan og 26 ka tuig nga pagkapriso sa pagkalambigit sa Priority Development Assistance Fund (PDAF) scam, nga mibarug isip authorized representative alang sa Hong Sheng POGO sa Bamban ug Lucky South POGO sa Porac.
Gipamugos ni Hontiveros, kinsa nanguna sa pag-imbestiga sa pagkalambigit usab ni Bamban Mayor Alice Guo sa POGO scam operations, nga parte sa estratehiya sa POGO nga impluwensiyahan ang ubang corrupt public officials aron mapadayon ang ilang criminal activities sa nasud.
Alayon niini, gibutyag usab ni Senador Sherwin Gatchalian nga dapat manubag ang mga lokal nga opisyal sa wala pag-monitor sa operasyon sa POGO sa ilang lugar.
