BUTUAN CITY – Nanawagan ang usa ka political analyst ngadto sa publiko nga bantayan ang pipila ka ahensya sa gobyerno nga dayag nga na-impluwensyahan matud pa sa mga tag-as nga opisyal sa gobyerno sama sa Anti-Money Laundering Council kon AMLC, Commission on Elections kon COMELEC ug ang Office of the Ombudsman.
Kini subay na sa mga obserbasyon nga bisan og gipadayag nilang ilang gihimo ang ilang trabaho apan klaro sa mata sa publiko nga na-impluwensyahan sila sa mga pulitiko rason nga pagtu-is nila sa balaud.
Sigon ni Atty Michael Henry Yusingco, kjini aron masigurong nagpabilin ang ilang gawasnong pagdesisyon ingon man integridad diha sa ilang mga aksyon ug desisyon.
Sama matud pa sa AMLC kansang papel sa pagbantay sa mga financial channels importante kaayo tungod kay diha kanila mu-agi ang kwartang gikawat gikan sa kaban sa nasud.
Kini tungod kay klaro matud pang nakalatid sa Anti-Money Laundering Act of 2001 nga angayang himuon ang ilang katungdanan nga dili magpagawong ilabina sa mga tag-as nga opisyal sa gobyerno.
Kinahanglan usab nga mahimo matud pang bukas sa publiko ug sa media ang AMLC aron mapakita nga transparent ang ilang gihimo ug wala’y gitago.
