BUTUAN CITY – Temporaryong sirad-an sugod ning alas-sais sa buntag ngadto na sa alas-siete unyang gabii apil na ugmang adlawa Sabado, ang JC Aquino Avenue gikan sa usa ka food chain lahos na sa may Ochoa Avenue diin nahimutang ang Old Catholic Cemetery alang sa pag-obserba sa adlaw sa mga Santos ug mga minatay.
Sa eksklusibong pakighinabi sa Bombo Radyo Butuan, gibutyag ni Eldie David, tigpamaba sa City Transportation and Traffic Management Department kon CTTMD-Butuan nga mu-agi na lang ang mga sakyanan sa mga alternatibong ruta nga dili musubay sa JC Aquino Avenue. Lakip sa mga isira mao ang mga dalan nga mag koneta sa JC Aquino Ave. ingon man sa Peli Drive sama sa Ipil ug Narra Road. Ang maong pag sirado sa nasangpit nga mga dalan, arun na usab makunhuran ang kahuot sa sam-ang nga nahimutang sa maong dapit.
Lakip sa mga dalan nga sirad-an kadtong nasubay sa sam-ang sa Bgy. Golden Ribbon gawas sa may Chinese Cemetery nga duna’y ipatumang one-lane parking tungod kay one-way lang ang gitugot nga agi-an.
Nag-deploy usab sila og 154 ka mga traffic enforcers ugmang adlawa sa nagkada-iyang sam-ang aron mutabang pag-man sa dagan sa trapiko. Bahad sa opisyal, magpadayon ang pagpatuman nila sa pag-isyu og citation ticket higayong makalapas sa balaud sa tapiko.
