Pipila ka bahin sa Caraga Region, gitay-og sa 4.5-magnitude nga linog

BUTUAN CITY – Gitay-og sa 4.5 magnitude nga linog ang pipila ka bahin sa Caraga Region kaganinang alas-5:00 sa sayong buntag nga duna’y giladmong 10-kilometros. Tectonic ang gigikanan niini kansa resulta sa paglihok sa mga dagkong bato sa maong rehiyon. 

Natumbok ang epicenter sa gilay-ong 500-kilometros sa amihanang sidlakan sa Cagwait, Surigao del Sur. 

Natala sa Philippine Institute of Volcanology and Seismology kon PhiVolcs ang intensity 2 sa  Bislig City samtang Intensity 1 usab sa  Tandag City, parehong sakop sa lalawigan sa Surigao del Sur.