BUTUAN CITY – Pipila ka mga kanhi babayeng miyembro sa Kingdom of Jesus Christ kon KOJC ang mipadayag na sa ilang nasinatian sa mga kamot ni Pastor Apolo Quiboloy sa pagbalik sa hearing kaganina sa Senate Committee on Women and Children, ubos kang Senadora Risa Hontiveros.
Atubangan sa KOJC founder, ilang gi-usa usa pagyayag kung gi-unsa sila pag-abuso ni Quiboloy sa sekswal nga paagi. Unang mitestigo si Teresita Valdehueza, ang membro sa unang batch sa Pastoral Ministry ni Quiboloy.
Saysay ni Teresita, minor-de-edad pa lang siya dihang namembro siya sa KOJC sugod niadtong tuig 1988. Iya matud pang gibaylo ang iyang ginikanan ug iyang maayo untang ugma alang kang Quiboloy dayong saysay sa iyang trabaho ug dakong qouta sa kwarta nga kinahanglan niyang ma-remit.
Sigon niini, gisugdan siya pagpahimulos sa pastor niadtong volunteer worker pa siya niadtong Oktubre 1993 hangtud nga nasundan pa. Pila ka higayon na matud pa syang mi-resign apan dili kini dawaton sa pastor hangtud nga milayas na siya niadtong 1999 kondiin gibandilyo pa siya sa tibuok kalibutan, gipasanginlan nga nangawat ug gibaharang kasuhan.
